FieldService.mn — Нууцлалын бодлого

Энэхүү «Нууцлалын бодлого» нь Монгол Улсын «Хүний хувийн мэдээлэл хамгаалах тухай хууль»-д үндэслэн хэрэглэгчийн хувийн мэдээллийг цуглуулах, боловсруулах, ашиглах, аюулгүй байдлыг хангахтай холбоотой харилцааг зохицуулна.

«Коремайнд ХХК» («Мэдээлэл хариуцагч») нь Хэрэглэгч («Та» эсхүл «Хэрэглэгч»)-ийг «FieldService.mn» апп болон вэб самбарыг ашиглах үед таны хувийн мэдээллийг хуульд заасан журмын дагуу цуглуулж, боловсруулж, ашиглах бөгөөд мэдээллийн аюулгүй байдлыг хангана.

Та аппад нэвтэрч ашигласнаар энэхүү бодлогыг хүлээн зөвшөөрч, доор дурдсан мэдээллийг цуглуулж, боловсруулж, ашиглах цахим зөвшөөрлийг Мэдээлэл хариуцагчид олгосонд тооцно. Энэхүү бодлогоор зохицуулаагүй харилцааг «Хүний хувийн мэдээлэл хамгаалах тухай хууль»-иар зохицуулна.

«FieldService.mn» нь байгууллагын салбаруудын тоног төхөөрөмжийн засварын дуудлагыг хүлээн авч, засварын инженерт хуваарилж, ажлын явцыг хянах үйлчилгээ юм. Мэдээллийг зөвхөн энэ үйлчилгээг тасралтгүй, найдвартай үзүүлэх зорилгоор цуглуулж, ашиглана.

1. Овог, нэр, утасны дугаар (нэвтрэх), имэйл хаяг;
2. Таны сонгосон байгууллага, салбар;
3. Дуудлагын мэдээлэл: эвдэрсэн төхөөрөмж, тайлбар, асуултын хариулт, хавсаргасан зураг;
4. Чатын мессеж, үнэлгээ, санал, гомдол болон түүнийг шийдвэрлэсэн явц;
5. Засварын инженерийн хувьд: ажлын цагт (тохиргоогоор асаасан үед) болон ажлын байранд очсоноо бүртгэх үеийн газар зүйн байршил, ажлын өмнө/дараах зураг, дуут тэмдэглэл, харилцагчийн гарын үсэг;
6. Мэдэгдэл хүргэхэд зориулсан төхөөрөмжийн push token, нэвтэрсэн хугацаа, үйлдлийн системийн мэдээлэл.

Мэдээлэл хариуцагч таны мэдээллийг зөвхөн дараах тохиолдолд ашиглана:

1. Засварын дуудлагыг хүлээн авах, инженер томилох, инженерийн ирэх хугацааг харуулах;
2. Дуудлагатай холбоотой тодруулах зүйл гарсан үед тантай холбогдох;
3. Ажлын тайлан, үнийн санал, нэхэмжлэл, НӨАТ-ын баримт бэлдэх;
4. Мэдэгдэл (push, SMS, имэйл) илгээх;
5. Системийн аюулгүй байдал, хэвийн ажиллагааг хангах, үйлчилгээний чанарыг сайжруулах.

Таны мэдээллийг зар сурталчилгаа, хэрэглэгчийг бусад апп, вэбээр хянах (tracking) зорилгоор ашиглахгүй, гуравдагч этгээдэд худалдахгүй.

Мэдээллийг үйлчилгээ ашиглаж эхэлснээс бүртгэлийг хаах хүртэл, мөн хууль тогтоомжид заасан хугацаанд (нэхэмжлэл, баримт) Мэдээлэл хариуцагчийн серверт хадгална. Мэдээлэл шифрлэгдсэн холболтоор (HTTPS) дамжина. Хэрэглэгч нэвтрэх нууц үгээ бусдад задруулахгүй байх үүрэгтэй.

1. Дуудлагыг хариуцах оператор, менежер, томилогдсон засварын инженер;
2. Таны байгууллагын админ (байгууллагын дуудлага, үнийн санал, нэхэмжлэл);
3. Үйлчилгээ үзүүлэгчид — зөвхөн тухайн үүргийн хүрээнд: SMS (CallPro), газрын зураг (Google Maps), push мэдэгдэл (Firebase), төлбөр (QPay), НӨАТ-ын баримт (e-Barimt);
4. Монгол Улсын хуульд заасан тохиолдолд төрийн эрх бүхий байгууллагын шаардлагаар.

Дээр дурдснаас бусад тохиолдолд таны хувийн мэдээллийг нийтэд ил болгохгүй.

Та өөрийн овог, нэр, имэйлийг аппын «Миний мэдээлэл» хэсгээс засах боломжтой. Бүртгэлээ аппын «Профайл → Бүртгэл устгах» хэсгээс шууд устгана: таны нэр, утас, имэйл, чатын мессеж, мэдэгдэл устаж, ажлын түүх, нэхэмжлэл, баримт таны нэргүйгээр үлдэнэ. Ажилтны бүртгэлийг устгах хүсэлтийг мөн тэндээс байгууллагын админд илгээнэ. Бусад хүсэлтээ info@coremind.mn хаягаар илгээнэ үү.

Таны хувийн мэдээлэл алдагдсан тохиолдолд Мэдээлэл хариуцагч таны бүртгэлтэй утас, имэйл хаягаар нэн даруй мэдэгдэнэ.

«FieldService.mn» нь засварын дуудлага өгөх хэрэглэгч, засварын инженерт зориулагдсан бөгөөд хүүхдээс зориудаар мэдээлэл цуглуулдаггүй.

Мэдээлэл хариуцагч энэхүү бодлогод нэмэлт, өөрчлөлт оруулах эрхтэй бөгөөд өөрчлөлтийг энэ хуудсанд нийтэлнэ.

«FieldService.mn»-тэй холбоотой асуудлаар «Коремайнд ХХК»-д info@coremind.mn хаягаар холбогдоно уу. Вэб: https://coremind.mn